✨🌹 ПАСХАЛЬНАЯ СЛУЖБА 🌹✨

— Бога́тии и убо́зии, друг со дру́гом лику́йте.
Возде́ржницы и лени́вии, день почти́те.

— Пости́вшиися и непости́вшиися, возвесели́теся днесь.
Трапе́за испо́лнена, наслади́теся вси.

— Теле́ц упита́нный, никто́же да изы́дет а́лчай, вси наслади́теся пи́ра ве́ры: вси восприими́те бога́тство бла́гости.
Никто́же да рыда́ет убо́жества, яви́ся бо о́бщее Ца́рство.

— Никто́же да пла́чет прегреше́ний, проще́ние бо от гро́ба возсия́.
Никто́же да убои́тся сме́рти, свободи́ бо нас Спа́сова смерть.

— Угаси́ ю́, И́же от нея́ держи́мый.
Плени́ а́да, Соше́дый во ад.

— Огорчи́ его́ вкуси́вша пло́ти Его́.
И сие́ предприе́мый Иса́иа возопи́: ад, глаго́лет, огорчи́ся, срет Тя до́ле.

— Огорчи́ся, и́бо упраздни́ся.
Огорчи́ся, и́бо пору́ган бысть.

— Огорчи́ся, и́бо умертви́ся.
Огорчи́ся, и́бо низложи́ся.

— Огорчи́ся, и́бо связа́ся.
Прия́т те́ло, и Бо́гу прирази́ся.

— Прия́т зе́млю, и сре́те Не́бо.
Прия́т е́же ви́дяше, и впаде́ во е́же не ви́дяше.

— Где твое́, сме́рте, жа́ло; где твоя́, а́де, побе́да? Воскре́се Христо́с, и ты низве́рглся еси́.

Видео от Храм Свт. Николая Чудотворца г. Павловский Посад